علاج الشعر الهايش

علاج الشعر الهايش هو من أكتر الحاجات اللي محتاجين نعرفها عشان نعتني بشعرنا بطريقة صحيحة تمنعه من الهيشان وتحافظ على شعرنا ثابت في مكانه وناعم!

أسباب و علاج الشعر الهايش:

” ليه شعري هايش رغم أن خصلات شعري مش خشنة؟ ” إجابة السؤال ده موجودة في الروتين اليومي:

  • فاكرة زمان لما كنا بنجيب قلم ونعمل احتكاك بالقلم في شعرنا ونقربه لورقة فبنلاقي الورقة بتنجذب للقلم بسهولة ؟

ده ببساطة بسبب الشحنات الكهربائية اللي بتخلي الشعر يبعد عن بعضه لو شحنات الشعر كلها زي بعض (زي فكرة المغناطيس : القطبان المتشابهان متنافران)

  •   الشعر الجاف معرض لمعامل احتكاك عالي سواء احتكاك الشعر بنفسه أو بالملابس أو المشط وده أول وأهم سبب من أسباب الشعر الهايش.
  • احتكاك الشعرمع بلاستيك أو أنسجة صناعية ،يعني احتكاك المشط البلاستيك بشعرك ، وأي ملابس أو حجاب مش قطن بتساعد الشعر أنه يهيش
  • غسل الشعر أكثر من مرتين بالأسبوع بيفقد الشعر ترطيبه والزيوت اللي فيه ويخليه معرض للهيشان، أو استخدام شامبوهات بتحتوي على مادة السلفات ، و تمشيط الشعر وهو جاف بدون غسل.
  • وطبعا الصبغة واستخدامك لمكواة الشعر والاستشوار اللي بينتجوا شحنات موجبة مضرة للشعر.

  طب أيه علاج الشعر الهايش ؟

عشان علاج الشعر الهايش بيتمثل في روتينك مع شعرك لازم تبدأي تغيري في الروتين ، وتصححي كل اللي كنتي بتعمليه غلط بخطوات بسيطة:

  •  استخدمي مشط خشب بدل البلاستيك.
  •  استخدمي بلسم ومرطبات للشعر بشكل يومي.
  • -استخدمي مكواة سيراميك أو استشوار “أيوناتك” لأنها بتنتج شحنات سلبية تلغي الشحنات الموجبة اللي في الشعر و ميحصلش تنافر ولا هيشان.
  • -اعملي حمام كريم أو زيت لشعرك ” خلي الزيوت متقربش لبصيلات شعرك ، ركزي على الأطراف”
  • من اسباب هيشان الشعر إن الحجاب أو أغطية المخدات متكنش قطن فحاولي تستبدليهم بقطن.
  • متغسليش شعرك أكتر من مرتين في الأسبوع.
  •  متغسليش شعرك بماية سخنة لأنها بتخلي الشعر يفقد كل الزيوت والترطيب.
  •  متسرحيش الشعر وهو لسه مغسول ، من الأفضل تلفيه بالفوطة لوقت بسيط وبعدين تسرحيه وهو مترطب نسبياً.
  • أثناء استخدامك للاستشوار خلي الهواء لتحت (مع اتجاه نمو الشعر) مش لفوق.

علاج الشعر الهايش بيتمثل في الترطيب ، وكل ما كانت طبيعة شعرك جافة فهي محتاجة ترطيب أكتر من الشعر الدهني .

تقدري تشوفي منتجات عندنا بتساعد في ترطيب وعلاج الشعر:

 شامبو بيحتوي على البروتين والكولاجين لتنعيم الشعر: Ogx Biotin & Collagen 385 Ml

مكمل غذائي لصحة الشعر: Perfectil Plus Hair 60 Tablets

لو عاوزة تتواصلي معانا وتستفسري عن أي حاجة زوري صفحتنا على الفيسبوك.

0